آمریکانین خاریجی ایشلر باخانی مارکو روبیو، بین‌الخالق جزا محکمه‌سینه قارشی سرت بیر چیخیشیندا، واشینقتونون بین‌الخالق محکمه قوروملارینین اؤلکه‌نین حربی آددیملارینی و خاریجی سیاستینی محدودلاشدیرماسینا ایجازه وئرمه‌یه‌جگینی وورغولادی.
آراز نیوزون رویترزدن آلدیغی خبره گؤره، روبیو ۱۳ نوامبر جومعه گونو واشینقتوندا فدرالیست حقوق جمعیتینین تدبیرینده بین‌الخالق جزا محکمه‌سینی تنقید ائتدی. او، آمریکانین اؤز وطنداشلارینا و رسمیلرینه قارشی وئریلن قرارلارین ایجراسینا چالیشیلارسا گوجه ال آتا بیله‌جگینی ائیهاملا خبردار ائتدی.
روبیو بوندان علاوه اسلام جومهوریتینه قارشی ساواشی مدافعه ائده‌رک، واشینقتونون اساس هدفینین تهرانین نووه سیلاحینا صاحب اولماسینین قاباغینی همیشه‌لیک آلماق اولدوغونو بیلدیردی. او، اسلام جومهوریتی رهبرلرینین یاییلماجی دوشونجه‌لره صاحب اولدوقلارینی دا سؤیله‌دی.
بو سؤزلر، ترامپ حؤکومتینین یئنی تحریم تهدیدیندن سونرا گلیر: محکمه‌نین دستکچیلری ایله راضیلاشمایا چاتیلماسا، آوریل آییندان بو قوروما قارشی یئنی تحریملر ایجرا اولوناجاق.
