آراز نیوز: بینالخالق خبر آژانسلارینین وئردیگی بیلگیلره گؤره، تورکیه، سعودی عربیستان و پاکیستان بو گون (جوما) جده شهرینده اؤنملی بیر اوچلو مودافعه و عسگری امکداشلیق آنلاشماسی ایمضالایاجاقلار.
فرانسهنین AFP خبر آژانسینا دانیشان سعودی عربیستان حؤکومتینه یاخین قایناقلار، بو آنلاشمانین قیزیل دنیز ساحیلینده یئرلشن جده شهرینده قطعیلشهجهگینی تصدیقلهییبلر. سعودی اوردوسونا یاخین بیر قایناق ایسه بو حاقدا دئییب:
«بو آنلاشما اوزون مودتدیر کی، مذاکیره اولونوردو؛ آنجاق بؤلگهده باش وئرن سون سیاسی و عسگری گلیشمهلر بو پروسهسی داها دا سورعتلندیردی.»
انگیلیس Reuters خبر آژانسی دا موستقل قایناقلارا ایستیناداً بو خبری تصدیقلهییب.
بو چرچیوهده، تورکیه جومهورباشقانی رجب طیب اردوغانین سعودی عربیستانا بیر گونلوک ایش زیارتی ائدهجهگی اعلان ائدیلمیشدی.
قئید ائدک کی، تورکیه خاریجی ایشلر ناظیری هاکان فیدان ژانویه آییندا وئردیگی آچیقلامادا اوچ اؤلکه آراسیندا موذاکیرهلرین دوام ائتدیگینی آنجاق هله قطعی بیر آنلاشمانین الده اولونمادیغینی بیلدیرمیشدی. بو گونکو زیارتله اوزون مودتلیک موذاکیرهلرین رسمی آنلاشمایا چئوریلمهسی گؤزلهنیلیر.
