آذربایجان میللی دوشونجه‌سی‌نین سئچکین سیمالاریندان و تورک دیلی، تاریخی و مدنیتی آراشدیرماچیلاریندان اولان پروفسور محمدتقی زهتابی اوچون، ۴ نوامبر ۲۰۲۶ چرشنبه گونو آنکارا اونیوئرسیته‌سینده آنما تؤرنی کئچیریلدی. تؤرنه اونیوئرسیته اوستادلاری، اؤیرنجیلر و آذربایجان میللی حرکاتینین فعاللاری قاتیلدی.
آراز نیوزون خبرینه گؤره، تؤرن آنکارا اونیوئرسیته‌سی دیل، تاریخ و جوغرافیا فاکولته‌سینین مظفر گؤکر سالونوندا، فرقلی شهر و اؤلکه‌لردن گلن قوناقلارین ایشتیراکی ایله کئچیریلدی. تؤرنده زهتابی‌نین حیاتی، مبارزه‌سی، علمی میراثی و آذربایجان میللی فیکرینین یارانیب گئنیشلنمه‌سینده‌کی رولو گؤزدن کئچیریلدی.
