آراز نیوز — ۳۱ اوکتوبر ۲۰۲۶-جی ایلده باکیدا بوتؤو آذربایجان اوجاقلاری‌نین (BAO) تشکیلاتیچیلیغی ایله «گۆنئی آذربایجاندا آنا دیلی و میلی مۆباریزه» مؤوضوسوندا اوتوروم کئچیریلیب. تدبیرین نتیجه‌سینده «بوتؤو آذربایجان کوردیناسیون مرکزی»نین یارادیلماسی قراری آلینیب.
بآو-نون مطبوعات سرویسی‌نین معلوماتینا گؤره، تشکیلاتین اوفیسینده کئچیریلن تدبیرده گۆنئی آذربایجاندا آنا دیلی اوغروندا مۆباریزه، میللی کیملیگین قورونماسی، مدنی و سیاسی حۆقوقلار، ائلجه ده قارشی‌دا دوران وظیفه‌لر مۆذاکیره اولونوب.
ایشتیراکچیلار آنا دیلی‌نین قورونماسی‌نین عوموم‌میللی اهمیت داشیدیغینی وورغولاییب، گله‌جک فعالیّتله باغلی تکلیفلر ایره‌لی سوروبلر. آچیقلامادا بیلدیریلیب کی، یارادیلماسی راضیلاشدیریلان کوردیناسیون مرکزی بیرلیک و بوتؤولوک مفکوره‌سی‌نین گرچک پروژه‌لره چئوریلمه‌سینه و فعالیّتلرین واحید مرکزده علاقه‌لندیریلمه‌سینه خیدمت ائده‌جک.
تدبیرین نهایی سندلری اولاراق بیرلشمیش میلتلر تشکیلاتینا (ب‌م‌ت)، تورک دؤولتلری تشکیلاتینا (ت‌د‌ت) و گۆنئی آذربایجان تشکیلاتلارینا مۆراجیعتلر گؤندریله‌جک.
