آمریکا جومهورباشقانی دونالد ترامپ یئنه ادعا ائدیب بیرلشمیش دؤولتلر ایرانین اورانیوم زنگین‌لشدیرمه گوجونو یوخ ائدیب و واشینقتون تهرانین نوکلئر سیلاح الده ائتمه‌سینه هئچ واخت اجازه وئرمه‌یه‌جک.
ترامپ جورجیا ایالتین‌ده کئچیریلن بیر سئچکی توپلانتی‌سیندا، آمریکانین «گئجه‌یارىسى چکیجی» و «حماسی اؤفکه» عملییاتلاری ایله ایرانین اورانیوم زنگین‌لشدیرمه گوجونو آرادان قالدیردیغینی اؤنه سوروب.
او، ایرانین عسگری و اقتصادی باخیمدان مغلوب اولدوغونو ادعا ائده‌رک دئییب: «اونلارین هئچ واخت نوکلئر سیلاح الده ائتمه‌یه‌جگینه اَمین اولمالیییق.»
آمریکا جومهورباشقانی سون آچیقلامالاریندا همچنین ایرانا قارشی ساواش سونا چاتدیقدان سونرا دونیا نفت قیمت‌لرینین کَسکین شکیلده دوشه‌جگینی اؤنه سوروب. ترامپ، ایرانین نوکلئر سیلاح الده ائتمه‌سینین قاباغینی آلماغین واشینقتونون عسگری آددیم‌لارینین اساس هدفی اولدوغونو وورغولاییب.
