بیرلشمیش میللتلر تشکیلاتینا باغلی بین‌الخالق کؤچ تشکیلاتی، یمنده‌کی یئنی توققوشما دالغاسی اوزوندن کؤچکون دوشنلرین سایینین ۳۰۰ مینی آشدیغینی و اؤلکه‌نین غربینده‌کی اینسانی بؤحرانین گئنیشلنمه‌یه داوام ائتدیگینی خبردار ائتدی.
آراز نیوزون بین‌الخالق کؤچ تشکیلاتینا اساسلاناراق وئردیگی معلوماتا گؤره، بو کؤچکونلوگون آز قالا هامیسی سون اوچ آیدا، ایران اسلام جومهوریتینین دستکله‌دیگی حوثیلر ایله یمن دؤولت قووه‌لری آراسینداکی دؤیوشلرین شیددتلنمه‌سی ایله باش وئریب.
تشکیلاتین یمن نوماینده‌لیگینین باشچیسی عبدالستار اسوئف بیلدیردی: «ایللرجه سورن ساواشدان سونرا عاییله‌لر بیر داها قاچماق مجبوریتینده قالیب؛ چوخ واخت اوستلرینده‌کی پالتاردان باشقا هئچ نه‌لری اولمادان.»
تشکیلات، سیغیناجاق، یئمک، ایچمه‌لی سو و ساغلیق خیدمتلرینین چاتیشمازلیغی حاقیندا خبردارلیق ائده‌رک، گله‌جک آلتی آی اوچون تعجیلی اولاراق ۴۵ میلیون دولارلیق اینسانی یاردیمین تأمین ائدیلمه‌سینی ایسته‌دی.
