آراز نیوزون نیویورک تایمزدان نقل ائتدیگینه گؤره، آمریکا مرکزی قوماندانلیغی ایرانا احتمالی حمله اوچون گئنیش عسگری پلانلار حاضیرلاییب. بو حمله‌لر ایران اقتصادینین اؤنملی آلت‌یاپیلارینی هدفه آلا بیلر.
عینی زاماندا، ایکی ایرانی مسئول بو قزئته دئییب آمریکا حمله‌لری یئنی‌دن باشلایارسا، تهران عادی ساواش یولونو سئچمه‌یه‌جک و آمریکا دیپلوماتلاری ایله ایشچی‌لری ده احتمالی جواب عملییاتلارینین هدفلری آراسیندا اولا بیلر.
ترامپ فاکس نیوز ایله دانیشیغیندا ایرانلا باغلی قارشی‌داکی قرارینا اشاره ائده‌رک دئییب: «اونلارلا راضیلاشیم، یا ایش‌لرینی بیتیریم؟ تَک سوال بودور.»
عسگری تهدیدلرین آرتماسینا باخمایاراق، واشینقتون یئنی حمله‌لرین باشلادیلماسی باره‌ده هله سون قرارینی آچیقلاماییب.
