آمریکا جومهورباشقانی دونالد ترامپ، ایران اسلام جمهوریتینین نوکلئر (هسته‌ای) سیلاح الده ائتمه‌سینین قاباغینی آلماغی اؤز حوکومتینین اَن بؤیوک اوغورلاریندان بیری کیمی دَیرلندیریب.
ترامپ واشینقتونون تهرانین نوکلئر سیلاحا صاحیب اولماسینین قاباغینی آلماغا یؤنلیک سیاستینی یئنه وورغولایاراق بیلدیریب، ایران هئچ بیر شرایطده بئله بیر سیلاح اَلده ائتمه‌مَلیدیر.
آمریکا جومهورباشقانی داها اؤنجه ده ایرانین نوکلئر تأسیساتلارینا قارشی عسگری حمله‌لره اشاره ائده‌رک، واشینقتونون ایران اسلام جمهوریتینین نوکلئر سیلاح اوره‌تیم گوجونو یئنی‌دن قورماسینا ایذین وئرمه‌یه‌جگینی دئمیشدی.
