آمریکا جومهورباشقانی دونالد ترامپ، ایران اسلام جمهوریتینه قارشی یئنی عسگری عملییات احتمالینی یئنه گونده‌مه گتیریب و راضیلاشما اَلده ائدیلمه‌سه، واشینقتونون ایرانا قارشی یئنی حمله‌لر باشلادا بیله‌جگینی بیلدیریب.
آراز نیوزون رویترز و آسوشیتدپرس‌دن نقل ائتدیگینه گؤره، ترامپ فلوریدادا جمهوریتچی‌لرین سئچکی توپلانتی‌سیندا دئییب: «بلکه “حماسی اؤفکه”یه بنز‌ر داها بیر کیچیک عملییات کئچیردیک، یا دا اونلار راضیلاشاجاقلار.»
او کوبایا اشاره ائده‌رک علاوه ائدیب: «ایران‌دان قاییداندا، کوبانین حسابینا دا باخاجاغیق.»
ترامپ همچنین بیلدیریب آمریکا ساواش گمی‌لری بؤلگه‌ده مأموریت‌لری بیتدیکدن سونرا کوبا ساحیل‌لرینه یاخین یئرده دایانا بیلر و آردینجا آمریکا خاریجی ایش‌لر باخانی مارکو روبیو راضیلاشمانی سونوجا چاتدیرماق اوچون حرکته کئچه بیلر.
بو آچیقلامالار، ۳ نوامبر آرا سئچکیلریندن سونرا ایرانا قارشی عسگری حمله‌لرین یئنی‌دن باشلاما احتمالی آمریکا مطبوعاتینین گونده‌مینده قالدیغی بیر زاماندا سَسلندیریلیب.
