ایران جومهورباشقانی مسعود پزشکیان، تورکمنیستاندا کئچیریلن بؤلگه‌سل توپلانتیلارین حاشیه‌سینده ارمنیستان باش باخانی نیکول پاشینیان ایله گؤروشوب و ایکی‌طرفلی علاقه‌لر حاققیندا دانیشیب.
آراز نیوزون تسنیم‌دن نقل ائتدیگینه گؤره، پزشکیان بو گؤروشده تهرانلا ایروان آراسیندا علاقه‌لرین گوجلندیریلمه‌سی، قارشیلیقلی گوونین آرتیریلماسی و موختلیف ساحه‌لرده ایش‌بیرلیگین گئنیشلندیریلمه‌سینی وورغولاییب.
گؤروش، موستقیل دؤولتلر بیرلیگی اؤلکه‌لری باشچیلارینین اجلاسا و خزر دنیزی ایله باغلی محیط زیست توپلانتی‌سینین حاشیه‌سینده کئچیریلیب.
