آمریکا جومهورباشقانی دونالد ترامپ، ایرانلا ساواشین «چوخ یاخیندا» بیرلشمیش دؤولتلرین خئیرینه سونا چاتاجاغینی گؤزلهدیگینی دئییب و آرا سئچکیلردن اؤنجه داها چوخ عسگری حمله ائدیلمهسی احتمالینی ده رد ائتمهییب.
آراز نیوزون فاکس نیوزدان نقل ائتدیگینه گؤره، ترامپ «پرزیدنتلر جامی» گلف یاریشلارینین حاشیهسینده دئییب: «فیکریمجه، بو ساواشدا چوخ یاخیندا قازاناجاغیق و بو باش وئردیکده، نفتین قیمتی کَسکین شکیلده دوشهجک و ساواشدان اؤنجهکی سویهیه قاییداجاق.»
او وورغولاییب، اؤز باخیشینا گؤره اَن اؤنملی مسئله ایرانین نوکلئر سیلاح اَلده ائتمهمهسیدیر و نوکلئر چکیندیریجیلیگی بو قارشیدورمانین «اساس عنصری» آدلاندیریب.
ترامپ همچنین اقتصادی باسقی ایله عسگری عملییاتلارین بیرلیکده نه قدر تأثیرلی اولدوغو حاققیندا سوالا جوواب وئرهرک، آمریکانین هر ایکی ساحهده اوغورلو اولدوغونو دئییب و آرتیریب: «عسگری باخیمدان ایندیدن قازانمیشیق.»
