گونئی آذربایجان ملی دیرنیش تشکیلاتینین سؤزچوسو مجید جوادینین آحار ساینی ایله مصاحیبه‌سی:
- مجید بی، رضا پهلوینین ایران‌دا باش وئرن پروسسلره تأثیری حاقین‌دا نه دئیه بیلرسینیز؟
- پهلوی ایران‌دا ان گوجلو مخالفت لیدری اولماسا دا، فارس توپلومو ایچینده تانینان و ان چوخ دستکچی‌سی اولان لیدرلردن بیری کیمی گؤرونور. بونون تصدیقی اوچون هر هانسی سورغو-فیلان اورتادا یوخدور، اما مئدیادا ایزلدییمیز کیمی، فارس توپلوموندا دستیی چوخ اولان مخالفت لیدری کیمی تقدیم اولونور. لاکین غیری-فارس ملتلری رضا پهلوییه نینکی دستک گؤستریر، عکسینه، اونا قارشی چیخیر.
- گونئی آذربایجان سیاستچیلرین‌دن، یاخود پارتییاسیندان کیملری گوجلو مخالفت حساب ائتمک اولار؟
- دوشونوره‌م کی، گونئی آذربایجان‌دا هرطرف‌لی بیر لیدردن تام معناسی ایله بحث ائتمک ممکن دئییل. اما بیزیم اؤنده گلن تانینمیش تشکیلات و رهبرلریمیز وار. او جمله‌دن، دیرنیش تشکیلاتی، مرکز پارتییاسی، یئنی گاموح، گاموح، گاماج و س. کیمی تانینان تشکیلاتلاریمیزی قید ائتمک اولار.
- آذربایجان ملی دیرنیش تشکیلاتی حاضردا ایران‌دا باش وئرن سیاسی حادثه‌لرین ایچینده‌دیرمی؟
- تشکیلات ۲۰۰۶-جی ایلده یارانیب. یاخینلاردا ۱۷-جی ایلدؤنومونو قید ائدجییک. بو ایللر عرضین‌ده ایستر یورد ایچینده، ایستر خاریجده لوببی‌چی‌لیک فعالیتلرین‌ده، خصوصیله ده مئدیا ساحه‌سینده تشکیلاتیمیز چوخلو ایشلر گؤروب. «آراز نیوز» و «آراز نیوز تی.وی» اینترنت کانالی گونئی آذربایجانین ان تانینان مئدیالارینداندیر. حاضردا دا تشکیلاتیمیز حادثه‌لرین ایچینده یئر آلیر. مئدیا فعالیتیمیز داوام ائدیر. دیگر ملتلرله مناسیبت قورماق و آذربایجان تشکیلاتلاری ایله بیرگه ایشبیرلیگی یاراتماقدا تشکیلاتیمیز چوخ آکتیودیر. گونئی آذربایجان سیاسی قورولوشلاری ایله بیرگه امکداشلیق پلاتفورمامیز وار. بورادا گونئی آذربایجان دموکرات پارتییاسی، آذربایجان اؤیرنجی حرکاتی و آذربایجان دیرنیش تشکیلاتی تمثیل اولونور. گونئی آذربایجان تشکیلاتلاری ایش بیرلیگی مرکزی ۸ تشکیلاتدان عبارتدیر. بیز بو قورومون دا عضوویوک. شمالی آذربایجان و ایرانین غیری-فارس ملتلری ایله مناسیبتلرین‌ده چوخ سیخ امکداشلیغیمیز موجوددور.
- ایران رژیمینه قارشی مخالیف گوجلرین بیرلشمه‌سینه احتیاج وارمی؟
- طبیعی کی، جدی احتیاج وار. ایران‌دا بیر سیرا قوه‌لر فاشیست و گئریچی قوه‌لردیر. شاهچیلار دا اونون اؤنونده گلنلردندیر. بونلار ایرانی اولکی شاه دؤنه‌مینه قایتارماق ایستییر. بلکه، اونلارین زامانین‌دا اقتصادی جهتدن ایستابیللیک وار ایدی، اما غیری-فارس ملتلرینه قارشی هر زامان مستملکه‌چی مناسیبت اولوب. بیز بو قوه‌لرله هئچ زامان بیرلشمیی دوشونموروک. اما فارس و غیری-فارس ملتلرین دموکرات و اینسان حاقلارینا اینانان قوه‌لری ایله بیرگه ایران رژیمینه قارشی اورتاق مباریزه بیزیم اساس مقصدیمیزدیر.
- گونئی آذربایجانلیلارینین واحد کووردیناسییا مرکزینین یارانماسینا احتیاج دویولور. بونون تشکیلی نیه یوبانیر؟
- گونئی آذربایجان تشکیلاتلاری ایش بیرلیگی مرکزی ایکی ایل اؤنجه قورولوب. بو آرالار بعضی آخسامالار یاشاندی. بیز - دیرنیش تشکیلاتی دیگر سیاسی تشکیلاتلارلا بیر آرایا گلمیشیک، غیری-فارس ملتلری ایله بیرگه حرکت ائدیریک. بیرگه پلاتفورما یاراتمیشیق. یاخین زامانلاردا اجتیماعیته تقدیم اولوناجاق. ائلجه ده باکی‌دا معین پارتییالارلا ایش بیرلیکلریمیز وار. تشکیلاتیمیز فعالیت‌ده‌دیر و داها چوخ ایشلر گؤرمک اوچون چالیشیریق. بوتون تشکیلاتلارین بیر آرایا گلدیی ایشبیرلیگی مرکزیمیز ده وار. اما سون گونلر فعالیتینده یاواشیما وار. اونو دا تئزلیکله دوزلتمه‌یه چالیشیریق.
غیرفارس میلتلر پهلوی و سلطنت سیستیمینه قارشی چیخیر – مجید جوادی
این خبر را با دیگران به اشتراک بگذارید
