آمریکا ساواش باخانی پیت هگست آچیقلاییب کی واشینگتون، ایران جمهوریتینه قارشی گئنیش اقتصادی باسقی کامپانیاسینا باشلایارکن، عسگری گوجون یئنیدن قوللانیلماسی سئچهنَگینی ده قیراغا قویماییب.
آراز نیوزون رویترزدن نقل ائتدیگینه گؤره، هگست دئییب: «هرمز بوغازینین هر هانسی بیر نوقطهسینده یا ایرانین هر یئرینده عسگری حملهلرین اولماسی سئچهنَگینی هئچ بیر شکیلده منتفی بیلمیریک.» او عینی زاماندا تهرانین ایندیکی اقتصادی باسقییا دایانا بیلمهیهجگینی اؤنه سوروب.
بو آچیقلامالار، آمریکا خزینه باخانی اسکات بسنتین واشینگتونون ایران جمهوریتینین اقتصادی ایزولاسیاسینی آرتیرماق و ایکینجی درجهلی تحریملری گئنیشلتمک پلانینین آیرینتیلارینی آچیقلادیغی بیر دؤنمده گوندمه گلیب.
بونا قارشی، ایران جمهوریتی اقتصاد باخانی علی مدنیزاده تهرانین «آمریکا تحریملرینه تام حاضیر» اولدوغونو بیلدیریب.
