روسیه جمهورباشقانی ولادیمیر پوتین، اوکراینانین روسیهنین اقتصادی آلتیاپیلارینا حملهلرینی آرتیرماسینا تپکی وئررک، موسکووانین دا اوکراینانین «اقتصادینین ان حساس بؤلوملرینی» هدف آلاجاغینی بیلدیریب.
آراز نیوزون رویترزدن نقل ائتدیگینه گؤره، پوتین کییفین بو حملهلری گئنیشلتمکله «پاندورا قوطوسونو» آچدیغینی و آرتیق بونون سونوجلاریلا قارشیلاشاجاغینی دئییب.
اوکراینا بو یای اوزون مسافهلی پهپاد حملهلرینی روسیهنین دَریندَکی هدفلرینه، اؤزللیکله نفت پالایشگاهلارینا قارشی اؤنملی اؤلچوده آرتیریب. کییف، بو تاسیساتلارین روسیهنین ساواش اقتصادینین بیر پارچاسی اولدوغونو بیلدیریر.
بونا قارشی روسیه ده اوکراینانین اقتصادی آلتیاپیلارینا، اؤزللیکله قارادنیز یولو ایله تاخیل اخراجاتیلا باغلی تاسیساتلارا حملهلرینی آرتیریب.
