ناسا، آپولو ۱۵ میسیونونا عایید بیر شکیل یاییملایاراق، آیین کشفیاتی اوچون ان اؤنملی میسیونلاردان بیرینین اَللیبئشینجی ایلدؤنومونو قئید ائتدی؛ بیلیمسل (علمی) نتیجهلری بوگون ده اوزایچیلیق تاریخینده یاشاماقدا اولان بیر میسیون.
ناسانین خبرینه گؤره، آپولو ۱۵ میسیونو ۳۰ ایول ۱۹۷۱-ده دیوید اسکات و جیم ایروینین آیین سطحیندهکی «هادلی-آپنین» بؤلگهسینه ائندیرمهسییله باشلادی.
بو ایکی آسترونوت (فضانورد)، «فالکون» آدلی آیگزنی ایشلهدهرک گئنیش بیلیمسل سیناقلار آپاردیلار و آیین داشیندان و توپراغیندان دگرلی نومونهلری یئره داشیدیلار.
آپولو ۱۵، آیا ائنمک اوچون دؤردونجو آددیملی میسیون ایدی و ایلک آیگزن آراجینی ایشلهدهرک، اوزای کشفیاتیندا یئنی رکوردلار قئیده آلدی و داها ایرهلی میسیونلار اوچون یول آچدی.
