آمریکا جومهورباشقانی دونالد ترامپ، آذربایجان، قازاخیستان و اؤزبکیستان جومهورباشقانلارینی میامیده کئچیریلهجک G20 لیدرلر زیروهسینه دعوت ائتدی.
آمریکا جومهورباشقانی دونالد ترامپین قازاخیستان و اؤزبکیستان جومهورباشقانلارینی ۲۰۲۶-جی ایلده میامیده کئچیریلهجک G20 لیدرلر زیروهسینه دعوت ائتمهسی، واشینگتونون گونئی قاقفاز و تورکیستان بؤلگهلرینه یؤنهلیک آرتان استراتژیک ماراغینین یئنی بیر گؤستریجیسی کیمی دگرلندیریلیر.
آردی
آذربایجان جومهورباشقانی ایلهام علییئوین ده بو زیروهیه دعوت ائدیلدیگینه دایر خبرلر ایسه آذربایجان قایناقلاریندا یئر آلیر.
بو دعوتلر یالنیز دیپلوماتیک بیر ژست دئییل، عئینی زاماندا آمریکانین روسیه و چینین تاثیرینی دنگهلهمگه (بالانسلاشدیرماغا) یؤنهلیک یئنی بؤلگهسل استراتژیسینین بیر حیصهسی کیمی گؤرولور. انرژي قایناقلاری، کریتیک مینراللار، خزر کئچیدلی نقلیات دالانلاری (دهلیزلری) و گونئی قافقازین ژئوپولیتیک اؤنمی، واشینگتونون بؤلگهیه وئردیگی اؤنمی آرتیریر.
اؤزللیکله آذربایجانین انرژي دالانلاری و «اوْرتا دالان» اۆزریندهکی کیلید مؤوقئعی، قازاخیستانین طبیعی ثروتلری و اؤزبکیستانین بؤلگهسل آغیرلیغی نظره آلیندیقدا، بو دعوتلرین سمبولیک اولماقدان چوخ، استراتژیک بیر آنلام داشیدیغی بللیدیر.
