تورکییه جمهورباشقانی رجب طیب اردوغان، ناتو لیدرلر زیروهسینه قاتیلماق اوچون آنکارادا اولان ناتو باش کاتیبی مارک روته ایله گؤروشدو.
آراز نیوزون ترت خبر آژانسینا دایاندیردیغی خبرینه گؤره، گؤروشده آنکارادا گئچیریلهجک ناتو لیدرلر زیروهسینین گوندمی، هابئله بؤلگهسل و دونیا گلیشمهلری موذاکره ائدیلدی.
اردوغان، تورکییهنین زیروهنین گئچیریلمهسی اوچون بوتون حاضیرلیقلاری تاماملادیغینی بیلدیرهرک آنکارا زیروهسینین اوغورلو گئچمهسینی آرزو ائتدی.
تورکییه جمهورباشقانی، هابئله زیروهده ناتونون اورتاق مودافیعهسینین گوجلندیریلمهسی و عضو اولان اولکهلر آراسیندا مودافیعه صنایعی ساحهسینده ایشبیرلیگینین آرتیریلماسی کیمی مسئلهلرین موذاکره اولوناجاغینی بیلدیردی.
او، زیروهنین قاپسامیندا گئچیریلهجک مودافیعه صنایعی فورومونون دا اهمییتلی گوندم باشلیقلاریندان بیری اولاجاغینی وورغولادی.
