بیرلشمیش میلّتلـره باغلی اۇلوسلارآراسی آتوْم انرژیسی آژانسی، عضو اؤلکهلره گؤندردیگی یئنی راپوْردا ایراندان، نۆکلئئر تاسیسلرینین بیر ایل اؤنجه بومبالانماسینین آردیندان زنگینلشدیریلمیش اورانیوم ایستوْکلارینین عاقیبتی حاقیندا عاجیل اوْلاراق بیلگی وئرمهسینی و یوْخلامالارین تام اوْلاراق یئنیدن باشلاماسینا ایذین وئرمهسینی ایستهدی.
رویترزین گؤردۆگۆ گیزلی راپوْرا گؤره اۇلوسلارآراسی آتوْم انرژیسی آژانسی، ایرانا یؤنهلیک چاغریلارینی یئنیلهدی و مؤوجۇد دۇرۇمون آچیقلیغا قوۇشدۇرۇلماسینین مجبوری اولدوغونو وۇرغولادی.
راپوْردا، اۇلوسلارآراسی آتوْم انرژیسی آژانسی گنل سئکرترینین ایرانا، نۆکلئئر سیلاحلارین یاییلماسینین اؤنلهنـمهسی آنلاشماسی (NPT) قاپسامینداکی گۆونلیک نظارتی تعهودلرینین ائتکیلی بیچمده اۇیغۇلانماسینین «وازگئچیلمز و عاجیل» اولدوغونو بیلدیردیگی ایفاده ائدیلدی.
راپوْردا آیریجا، سؤزقوْنۇسۇ تعهودلرین یئرینه یئتیریلمهسینین ایران طرفیندن هئچ بیر شرط آلتیندا آسقییا آلینابیلمیهجگی وۇرغولاندی.
