İraq nefti son on ildən artıq müddətdə ilk dəfə olaraq yenidən əsas şimal kəməri ilə Türkiyəyə vurulur. İraq hökuməti çərşənbə axşamı Kərkük-Ceyhan neft kəmərinin yenidən açıldığını elan edib. Bu kəmər İraqın şimalındakı nefti Aralıq dənizi sahilindəki Ceyhan limanına çatdırır.
Bu kəmərlə ixrac 2014-cü ildə İŞİD-in təkrar hücumlarından sonra dayandırılmışdı. Bağdad sonda bu marşrutla gündə 500 min barelədək neft nəql etməyə ümid edir.
Bu marşrutun yenidən açılması İraqın Fars körfəzindəki cənub terminallarından asılılığını azaldır. Həmin terminallardan ixrac olunan neft Hörmüz boğazından keçmək məcburiyyətindədir. İslam Respublikası dəfələrlə bu su yolunu bağlamaqla hədələyib.