ABŞ-ın The National Interest nəşri xəbərdarlıq edib ki, demokratların İslam Respublikası ilə müharibənin büdcəsini kəsmək cəhdi Vaşinqtonun Tehrana təzyiq rıçaqlarını zəiflədə və ABŞ üçün əlverişli razılaşmanın əldə olunmasını çətinləşdirə bilər.
The National Interest-də dərc olunmuş təhlildə bildirilir ki, Tramp administrasiyası indiyədək müharibəyə təxminən 50 milyard dollar xərcləyib və daha 67 milyard dollar ayrılmasını tələb edib. Demokratlar isə müharibənin Konqresin icazəsi olmadan başladılmasını tənqid edərək onun maliyyələşdirilməsini dayandırmağa çalışırlar.
Nəşrin qənaətinə görə, ABŞ-ın sanksiyaları və dəniz blokadası İslam Respublikasının neft ixracını azaldıb və İran iqtisadiyyatına ağır təzyiq göstərib.
Müəllifin fikrincə, müharibə büdcəsinin kəsilməsi Vaşinqtonun nüvə danışıqlarındakı sövdələşmə gücünü azaltmaqla yanaşı, Rusiya və Çini də ABŞ-ın uzunmüddətli təzyiqləri davam etdirməyə gücünün çatmadığı qənaətinə gətirə bilər.
