İsrail mənbələri Donald Tramp və Benyamin Netanyahu arasında İslam Respublikasına qarşı hərbi hücumların bərpası ilə bağlı telefon danışığı zamanı kəskin mübahisə baş verdiyini xəbər verib. İsrail baş nazirinin ofisi isə bu məlumatı təkzib edib.
İsrailin «Yediot Ahronot» qəzetinin məlumatına görə, məlumatlı mənbələr iki lider arasındakı danışığı «qışqırıqlarla müşayiət olunan, cəhənnəm kimi keçən zəng» kimi səciyyələndirib. Bununla belə, Netanyahunun ofisi zəngin baş tutduğunu təsdiqləsə də, mübahisə ilə bağlı iddiaları rədd edib.
Məlumatlara görə, Netanyahu İslam Respublikasına qarşı hücumların bərpa olunmasını istəyir, Tramp isə Tehranla razılaşma əldə etmək imkanını hələ də nəzərdən keçirir.
İsrailin baş naziri həmçinin Knessetdəki çıxışında İslam Respublikasının devrilməsini Tehranın nüvə təhdidini birdəfəlik aradan qaldırmağın yeganə yolu adlandırıb.
Tramp isə öz növbəsində vurğulayıb ki, hazırda yenidən hücuma ehtiyac görmür, lakin ABŞ hərbi əməliyyata hazırdır.
