Venesuelanın sabiq prezidenti Nikolas Maduro Nyu-Yorkdakı Bruklin Metropoliten Həbs Mərkəzində xeyli arıqlayıb. O, boş vaxtının böyük hissəsini İncil, Quran və fəlsəfi əsərlər oxumaqla keçirir.
Bu dövr Maduro üçün «mənəvi səfərə» çevrilib. Həbsxana ruhaniləri, o cümlədən bir katolik keşişi və bir ravvinlə müntəzəm görüşlər onun gündəlik həyatının bir hissəsidir.
Maduronun həyat yoldaşı Siliya Flores eyni həbs mərkəzinin ümumi bölməsində daha ağır fiziki vəziyyətdədir. Məhkəmə sənədlərinə əsasən, o, 11 kiloqramdan çox arıqlayıb və iki dişini itirib. Flores iyul ayında ehtimal edilən yüngül infarktdan sonra sinə qəfəsindəki şiddətli ağrılara görə dərman qəbul edir.
