Nvidia şirkətinin baş icraçı direktoru Censen Huanq bazar günü şirkətdaxili məktubunda çinli iş qadını ilə gizli münasibəti olduğunu etiraf edib. O yazıb: «Mən həyat yoldaşıma xəyanət etdim. Davranışıma heç bir bəraət yoxdur.»
Söhbət Sinqapurun Megaspeed şirkətinin rəhbərlərindən biri olan Alis Huanqdan gedir. "The New York Times" qəzetinin məlumatına görə, ABŞ kəşfiyyat qurumları onu Çin Dövlət Təhlükəsizliyi Nazirliyinin agenti hesab edir. Onların qiymətləndirməsinə görə, o, süni intellekt çipləri ilə bağlı məlumat əldə etməyə çalışırdı və Huanqı Çinə çip satışına qoyulan məhdudiyyətlərin yumşaldılmasını müdafiə etməyə sövq etmək istəyirdi. Pekin bu iddianı «əsassız» adlandırıb.
Nvidia-nın direktorlar şurası müstəqil araşdırmaya başlayıb və şirkət sirlərinin və ya ABŞ-ın milli təhlükəsizliyinin pozulduğuna dair heç bir əsas olmadığını bildirib. Huanq vəzifəsində qalır.
Nvidia-nın baş icraçı direktoru 41 il birlikdə yaşadığı həyat yoldaşından və övladlarından üzr istəyib. Analitiklər bazar açıldıqdan sonra Nvidia səhmlərində dalğalanma ehtimalından danışıblar.
