ABŞ Prezidenti Donald Tramp CNN-ə müsahibəsində ABŞ-ın İrana yenidən hücum etməsinin «çox az ehtimal olunduğunu» bildirib. Onun şərti İslam Respublikasının nüvə razılaşmasına və Hörmüz boğazının açılmasına doğru irəliləməsidir. Trampın sözlərinə görə, hər şey «çox möhkəm razılaşmanın» imzalanmasından asılıdır.
Tramp əlavə edib ki, lazım gələrsə, yenidən hücum edəcək, lakin ABŞ artıq İrana çox ağır zərbə endirib. O qeyd edib ki, «tam silahlanmış və atəşə hazır» vəziyyətdə olan üç təyyarədaşıyan gəmiyə malikdir.
Tramp iddia edib ki, ABŞ qüvvələri İranın 38 körpüsünü bir saat ərzində məhv edə bilər. Onun sözlərinə görə, İslam Respublikası raket potensialının cəmi 10 faizini, pilotsuz uçuş aparatları potensialının isə 15 faizini qoruyub saxlayıb. Tramp deyib: «Böyük ehtimalla buna ehtiyac olmayacaq. Onlar razılaşmanı çox istəyirlər.»
