ABŞ prezidentinin İraq üzrə xüsusi nümayəndəsi Tom Barrak noyabrın 8-də, bazar günü yaydığı mesajda İraqın baş naziri Əli əz-Zeydinin aydın mesaj verdiyini yazıb: silahlı qrupların ölkə institutlarında nüfuzuna yer yoxdur. Bu mesajı Shafaq News yayıb.
Barrakın sözlərinə görə, İraqın gələcəyi dövlət çərçivəsindən kənarda fəaliyyət göstərən silahlı qruplara deyil, bu ölkənin xalqına məxsusdur. O, dövlət suverenliyinin praktikada təmin olunmalı olduğunu vurğulayıb.
Əz-Zeydi həmin gün Ənbar əyalətində bildirib ki, dövlət çərçivəsindən kənarda olan heç bir silahın təhlükəsizliyi təhdid etməsinə və ya vətəndaşlardan zorla pul qoparmasına imkan verməyəcək. O əlavə edib ki, İraq hazırda quruculuq mərhələsində olduğu üçün hökumət belə silahlarla qanunun gücü ilə mübarizə aparır.
