Britaniyanın "The Telegraph" qəzeti İslam Respublikası ilə Rusiyanın S-400 hava hücumundan müdafiə sisteminin alınması barədə danışıqlar apardığını xəbər verib. İslam Respublikasının yüksək vəzifəli rəsmilərindən biri qəzetə Tehranın "nikbin" olduğunu deyib. Onun sözlərinə görə, Tehran Putinin illərdir əldə etmək istədiyi bu sistemi nəhayət təhvil verəcəyinə ümid edir.
"The Telegraph"ın yazdığına görə, Müctəba Xameneyi cümə axşamı Milli Təhlükəsizlik Ali Şurasının katibi Möhsün Rzaini şəxsi məktubla Kremlə göndərib. Bu məktubdakı əsas tələb S-400-ün təhvil verilməsi olub.
Rzai Putinlə görüşdən sonra müharibədən sonrakı dövr və regionda təhlükəsizlik tənzimləmələri ilə bağlı mühüm müzakirələr aparıldığını bildirib. Rusiya ilə İran arasında yeni qaz kəmərinin çəkilməsi də bu mövzulardan biri olub.
Bu danışıqlar Trampın son açıqlamaları ilə üst-üstə düşmür. ABŞ prezidenti sanksiyaların ləğvi və Rusiya ilə yeni enerji razılaşmasından sonra Moskvanın ABŞ-la müharibədə İslam Respublikasına "heç bir halda" kömək etməyəcəyini demişdi.
