Beynəlxalq səviyyədə tanınan Yəmən hökuməti BMT əməkdaşı Məhəmməd İbrahim əş-Şaminin husi silahlı qruplaşmasının həbsində həyatını itirdiyini açıqlayıb. O, iki ildən artıq müddət ərzində İran rejiminin vəkil qrupu olan husilərin hərbi həbs düşərgəsində saxlanılıb.
Yəmənin informasiya naziri Müəmmər əl-Əryani onun ölümü ilə bağlı müstəqil və beynəlxalq araşdırma aparılmasını tələb edib. Əl-Əryani hər hansı pozuntunu törədənlərin məsuliyyətə cəlb olunmasını istəyib və BMT Təhlükəsizlik Şurasını digər saxlanılan şəxslərin azad edilməsinə təminat verməyə çağırıb.
