ABŞ prezidenti Donald Tramp İsrailin baş naziri Binyamin Netanyahuya açıq dəstəyinin bu ölkədə keçirilən parlament seçkilərinin gedişatını dəyişdiyini və onu ağır məğlubiyyətdən xilas etdiyini iddia edib.
"The Times of Israel" nəşrinin məlumatına görə, Tramp öz sosial şəbəkəsində yazıb ki, Netanyahuya dəstəyini elan etdikdən sonra seçki vəziyyəti dəyişib və indi qəti məğlubiyyət əvəzinə siyasi dalan, hətta onun qələbəsi ehtimalından danışılır.
Tramp həmçinin Texasda keçirilən toplantıdan sonra jurnalistlərlə söhbətində deyib: «Düşünürəm ki, mənim dəstəyim Netanyahuya çox kömək etdi».
O, verilən suala cavab olaraq seçkilərin nəticələri elan olunmağa başlayandan sonra hələ Netanyahu ilə danışmadığını təsdiqləyib.
Bu iddialar 27 oktyabr seçkilərinin ilkin nəticələrinin Netanyahunun koalisiyası ilə Qadi Ayzenkotun rəhbərlik etdiyi müxalifət arasında gərgin rəqabətin getdiyini göstərdiyi bir vaxtda səslənir. Hələlik tərəflərdən heç biri hökumət qurmaq üçün lazım olan çoxluğu əldə etməyib.
