Financial Times qəzeti üzə çıxarıb ki, İsrailin baş naziri Benyamin Netanyahu oktyabrın 10-dan əvvəlki günlərdə İrana qarşı bir neçə gün sürəcək genişmiqyaslı hücumlar həyata keçirməyə hazırlaşıb, lakin Donald Trampın etirazı bu əməliyyatın icrasına mane olub.
Financial Times-ın məlumatına görə, üç məlumatlı mənbə İsrail ordusunun elektrik stansiyalarını, mülki infrastrukturu, nüvə obyektlərini və İslam Respublikasına bağlı mərkəzləri bombalamağa hazırlaşdığını bildirib.
Hesabata əsasən, Tramp noyabrın 3-də ABŞ-da keçiriləcək aralıq seçkilərdən əvvəl müharibənin yenidən başlamasından narahat olduğu üçün əməliyyatın icrasına etiraz edib.
Financial Times həmçinin xəbər verib ki, Netanyahu hələ də İslam Respublikasına qarşı genişmiqyaslı hücumların bərpa olunmasını istəyir.
