İslam Respublikasının xarici işlər naziri Abbas Əraqçi Tehranın təklif etdiyi yeddi günlük planla bağlı ABŞ-ın mövqeyini araşdırdığını və çox güman ki, yaxın bir neçə gün ərzində rəsmi cavab verəcəyini açıqlayıb.
Əraqçi danışıqların davam etdiyini və mesajların vasitəçilər üzərindən iki tərəf arasında ötürüldüyünü deyib. O əlavə edib ki, Tehran öz yeddi günlük planını təqdim edib və hazırda Amerika tərəfinin mövqelərini və cavablarını araşdırır.
Daha əvvəl ABŞ prezidenti Donald Tramp Tehranın Hörmüz boğazının açılması ilə bağlı planını qəbul etmədiyini bildirmişdi. İslam Respublikasının xarici işlər nazirinin müavini Kazım Qəribabadi də bundan əvvəl Vaşinqtonun bu plana cavabının araşdırıldığını təsdiqləmişdi.
Eyni zamanda, ABŞ-ın regionda hərbi hazırlığı artırması barədə məlumatlar yayılıb. Bildirilir ki, ABŞ ordusunun Mərkəzi Komandanlığına İrana qarşı genişmiqyaslı əməliyyatların yenidən başlanması ehtimalına hazırlığı tamamlamaq tapşırılıb.
