Türkiyə, Səudiyyə Ərəbistanı və Pakistanın xarici işlər nazirləri Nyu-Yorkda «Məkkə Birgə Müdafiə Paktı» çərçivəsində növbəti addımlar və üzv ölkələrin ordu baş qərargah rəislərinin təcili iclasının keçirilməsi ilə bağlı məsləhətləşmələr aparıblar.
Səudiyyə Ərəbistanı Xarici İşlər Nazirliyinin məlumatına görə, görüşdə saziş üzvü olan ölkələrin yüksək rütbəli hərbi komandanlarının təcili iclasının keçirilməsi üçün zəruri hazırlıq tədbirləri müzakirə olunub.
Səudiyyə tərəfinin bəyanatına əsasən, baş qərargah rəislərinin qarşıdakı iclası bu müdafiə sazişi çərçivəsində Səudiyyə Ərəbistanına dəstək və yardım yollarına diqqət yetirilməklə keçiriləcək.
Türkiyənin bu məsləhətləşmələrdə iştirakı Ankaranın həmin çərçivəyə üzv ölkələr arasında təhlükəsizlik və müdafiə koordinasiyasındakı rolunu önə çıxarıb.
