Avropalı kəşfiyyat rəsmiləri xəbərdarlıq edib ki, Rusiya gələcək aylarda hərbi və ya kombinə edilmiş bir addımla NATO-nun hazırlıq və reaksiya səviyyəsini sınaqdan keçirə bilər.
"Guardian" qəzetinin məlumatına görə, bu xəbərdarlıqlar Polşa Baş naziri Donald Tuskun bəyanatından sonra gündəmə gəlib. Tusk deyib ki, kəşfiyyat qiymətləndirmələrində Rusiyanın gələcək aylarda NATO üzvü ölkələrdən birinin ərazisinə pilotsuz uçuş aparatı və ya raket zərbəsi endirmə ehtimalı qeyd olunub.
Fransa Prezidenti Emmanuel Makron bu qiymətləndirmələri "sənədləşdirilmiş və etibarlı" adlandırıb.
Bu narahatlıqlar Rusiya və Ukrayna arasında hava zərbələrinin şiddətlənməsi ilə eyni zamanda ortaya çıxıb. Digər tərəfdən, ABŞ Prezidenti Donald Trump əvvəllər Vladimir Putinin NATO ərazisinə hücum etməyəcəyinə əmin olduğunu bildirmişdi.
