Donald Trampın administrasiyası İsrail üçün 2,8 milyard dollar dəyərində silah paketi hazırlayır. Paketə 40 min ədəd 2 min funtluq bomba — o cümlədən 20 min ədəd "MK-84" bombası və 20 min ədəd "BLU-117" bombası daxildir.
Associated Press iki ABŞ rəsmisinə və məlumatlı bir mənbəyə istinadən xəbər verib ki, Konqres bu mümkün satış barədə qeyri-rəsmi qaydada məlumatlandırılıb və xərclərin əsas hissəsi ABŞ-ın İsrailə hərbi yardımı hesabına ödəniləcək.
Co Baydenin administrasiyası əvvəllər Qəzzada geniş miqyaslı mülki tələfat narahatlığı ilə bağlı 2 min funtluq bombaların bir hissəsinin göndərilməsini dayandırmışdı. Yeni satış hələ də araşdırma və Konqresə məlumat vermə mərhələsindədir.
