Türkiyə 2016-cı ilin uğursuz çevriliş cəhdindən sonra öz hərbi təhsil sistemini kökündən dəyişdi. Ankara Fətullah Gülən şəbəkəsinin nüfuz mərkəzləri hesab etdiyi hərbi liseyləri və ali təhsil müəssisələrini bağladı və «Milli Müdafiə Universiteti»ni yaratdı.
Quru, dəniz və hava qüvvələrinin zabit məktəbləri, habelə çavuş hazırlığı mərkəzləri bu vahid universitetin nəzarəti altına verildi. Zabit və çavuşların kütləvi işdən çıxarılması nəticəsində hərbi kadrların sayı kəskin şəkildə azaldı və Ankara mülki universitetlərdən tələbə köçürməklə boşalan yerləri doldurdu.
Bu universitetin ilk rektoru Erhan Afyoncu bildirib ki, idarəetmə strukturu və tədris proqramları yenidən işlənib, mülki müəllimlər isə elmi heyətə əlavə edilib. 2017-ci ildə kurslara bir illik hazırlıq mərhələsi əlavə olunub və zabit məktəblərində təhsil müddəti beş ilə çatdırılıb; məqsəd həm hərbi liseylərin ləğvinin yaratdığı boşluğu doldurmaq, həm də xarici dillərə yiyələnmiş zabitlər yetişdirmək olub.
Onun sözlərinə görə, bu dəyişikliklər gələcək zabitləri pilotsuz uçuş aparatları ilə müharibəyə, kiber əməliyyatlara və robotlara qarşı hazırlayır.
