Yerusəlim Post-un yenidən yaydığı Media Line-ın məlumatına görə, beynəlxalq hüquq və təhlükəsizlik üzrə tədqiqatçı Fərid Şükürlü bildirib ki, Bakı ilə İsrail arasında hərbi əməkdaşlıq hazırda özünün ən yüksək səviyyəsindədir. O əlavə edib ki, Azərbaycan ərazisi heç vaxt üçüncü bir ölkəyə qarşı istifadə olunmayacaq.
Şükürlü bu müsahibədə tənqidini İran İslam Respublikasına və Sipaha yönəltdiyini, İran xalqına yönəltmədiyini vurğulayıb. Onun sözlərinə görə, Azərbaycan rəsmi bitərəflik mövqeyinə baxmayaraq, Naxçıvanda Sipahın hədəfinə çevrilib.
Bakı martın 5-də İran ərazisindən Naxçıvana dörd pilotsuz uçuş aparatının dəydiyini açıqlamışdı. Nəticədə dörd nəfər yaralanıb, beynəlxalq hava limanı və bir məktəb zərər çəkib. İran İslam Respublikası məsuliyyəti rədd edib və araşdırma aparılacağına söz verib.
Danube İnstitutunun tədqiqatçısı İbrahim Məhəmmədov da Media Line-a bildirib ki, Bakı-Tbilisi-Ceyhan boru kəməri Azərbaycan üçün həyati əhəmiyyət daşıyır; bu kəmərlə Türkiyədən İsrailə neft daşınır.
