ABŞ hökuməti dünyanın müxtəlif ölkələrindəki səfirlik və konsulluqlarında mühacirət vizaları üzrə müsahibə vaxtlarını müvəqqəti olaraq dayandırıb və ya təxirə salıb.
Financial Times-ın məlumatına görə, əvvəlcədən müsahibə vaxtı təyin edilmiş müraciətçilərin bir qismi müsahibə vaxtının dəyişdirildiyini və yeni tarixin sonradan elan olunacağını bildirən e-poçt mesajları alıb.
ABŞ Dövlət Departamentinin sözçüsü çərşənbə günü bildirib ki, bu dəyişikliklər ABŞ-ın bütün səfirlik və konsulluqlarının əməkdaşları üçün nəzərdə tutulan qlobal təlim proqramının həyata keçirilməsi ilə bağlıdır və viza xidmətləri cədvəli bu təlimlərin keçirilməsinə uyğun tənzimlənəcək.
Financial Times-ın hesabatına əsasən, bu dayandırma xüsusilə mühacirət vizası müraciətçilərinə aiddir.
