İran Prezidenti Məsud Pezeşkiyan çıxışında müharibənin sona çatdırılmasını istəyib və eyni zamanda bahalıq və müharibənin iqtisadi nəticələri barədə danışan tənqidçiləri hədəfə alıb.
Araz News-un İSNA-dan nəql etdiyinə görə, Pezeşkiyan "müharibə bir nöqtədə sona çatmalıdır" deyib və İran Respublikasının indi, onun sözlərinə görə, "güc və izzət" içində olduğu və dünyanın onun "zəfərini" qəbul etdiyi bir zamanda müharibəni bitirməyin daha münasib olduğunu önə sürüb.
O, çıxışının başqa bir hissəsində tənqid edənləri "meydandan kənarda oturan" və hökumətin şərtlərindən xəbərsiz danışan şəxslər kimi təsvir edib və "sonra da bahalıqdan danışırlar" deyib.
Bu sözlər qiymətlərin yüksəldiyi, alıcılıq qabiliyyətinin azaldığı və ailələrin dolanışığı üzərindəki təzyiqin getdikcə artdığı bir dövrdə səslənib; bu məsələlər İran Respublikasının ən mühüm daxili böhranlarından birinə çevrilib.
