ABŞ-ın Körfəzdəki müttəfiqləri Donald Trampın administrasiyasının İranla sülh diplomatiyasını idarə etmək üçün lazımi qabiliyyətə malik olmayacağından narahatdırlar. Ərəb və qərbli məmurların sözlərinə görə, bu narahatlıq regionun ərəb liderlərinin Vaşinqtonun Tehrana münasibətdə fəaliyyətindən artan narazılığına təkan verib.
Qəzetin yazdığına görə, bir sıra Körfəz dövlətləri Ağ Evin İranla danışıqları irəli aparmaqdakı bacarıqsızlığının regionda qeyri-sabitliyi gücləndirməsindən və onların təhlükəsizliyini daha böyük risk altına salmasından ehtiyat edirlər.
