ABŞ prezidenti Donald Tramp keçən ay Ankaraya səfəri zamanı İran İslam Respublikasının onu sui-qəsdlə hədələməsi səbəbindən öz təyyarəsini gizli şəkildə dəyişdirib. ABŞ məmurları bildirib ki, Ağ Ev Trampın " Air Force One" təyyarəsində olduğunu açıqlasa da, o, əslində başqa bir hərbi təyyarə ilə uçub.
Məlumatlı bir məmurun sözlərinə görə, Tramp Ankarada televiziya kameraları qarşısında köhnə "Air Force One" təyyarəsinə minib, lakin bir neçə dəqiqə sonra hava limanının yemək daşıyan yük maşını ilə daha kiçik olan Hava Qüvvələrinin C-32A təyyarəsinə keçirilib. ABŞ məmurları bildirib ki, son otuz ildə də bənzər hallarda, ABŞ prezidentinə qarşı ciddi təhdidlər səbəbindən "Air Force One" aldadıcı təyyarə kimi istifadə olunub.
