İsmail Bəqai, İran İslam Respublikası Xarici İşlər Nazirliyinin sözçüsü, ABŞ Xəzinədarlıq naziri Skott Bessentin açıqlamalarına münasibət bildirərək, Vaşinqtonun Tehrana qarşı sanksiya siyasətini sərt şəkildə tənqid edib.
Bəqai "X" sosial şəbəkəsində yazıb: "ABŞ siyasət və ağlın yerinə sanksiyaya xəstəyana meyli qoyub."
O iddia edib ki, Vaşinqton diplomatiyanı irəli aparmaqda uğursuz olduqda sanksiyalara əl atır və nəticə əldə edə bilmədikdə isə "onun dozasını artırır".
Bu açıqlamalar Bessentin ABŞ-ın İran İslam Respublikasına qarşı iqtisadi təzyiqini davam etdirəcəyi barədə sözlərindən sonra səsləndirilib.
