ABŞ prezidenti Donald Tramp bildirib ki, İran rejimi ilə atəşkəsin uzadılması ehtimalı çox aşağıdır.

ArazNews-un məlumatına görə, Bloomberg-ə müsahibəsində Tramp ABŞ-ın şərq vaxtı ilə çərşənbə axşamı gecə başa çatacaq atəşkəslə bağlı deyib: “Bu atəşkəsin uzadılması çox az ehtimallıdır.” O, Hörmüz boğazının blokadasının davam etdiyini vurğulayaraq əlavə edib: “Onlar istəyirlər ki, mən onu açım. İranlılar onun açılmasını çox istəyir, amma razılaşma imzalanana qədər onu açmayacağam.”

Eyni zamanda, Ağ Ev daha əvvəl təsdiqləmişdi ki, vitse-prezident Cey Di Vens, Trampın xüsusi nümayəndəsi Stiv Vitkoff və baş müşavir Cared Kuşner İranla danışıqların ikinci raundunda iştirak etmək üçün Pakistana səfər edəcəklər. Digər tərəfdən, İran rəsmiləri ikinci raund danışıqlarla bağlı xəbərləri təkzib edib.