Donald Tramp Truth Social platformasında yazıb ki, “İsrail onu heç vaxt İranla müharibəyə məcbur etməyib” və 7 oktyabr hadisələri onun “İranın heç vaxt nüvə silahına sahib olmamalıdır” mövqeyini daha da gücləndirib.

ArazNews-un məlumatına görə, Tramp paylaşımında “punditlər” və bəzi media qurumlarını “saxta xəbərlər yaymaqda” ittiham edib və bildirib ki, eşitdiklərimizin təxminən 90 faizi ya yalandır, ya da uydurmadır. O həmçinin sorğuların “manipulyasiya edildiyini” iddia edib.

Tramp əlavə edib ki, 2020-ci il ABŞ prezident seçkiləri “saxtalaşdırılıb” və Venesuela nümunəsinə işarə edərək qeyd edib ki, “İranda nəticələr də təəccüblü olacaq”.

O, sonda yazıb ki, əgər İranın “yeni liderləri” ağıllı olarsa, ölkə böyük və inkişaf etmiş gələcəyə sahib ola bilər.