Atəşkəsin başa çatmasına az qalmış bir iranlı rəsmi danışıqlarda fikir ayrılıqlarının davam etdiyini bildirib, eyni zamanda diplomatik səylər yenidən artırılıb.

ArazNews-un məlumatına görə, Reuters-ə istinadən, İran və ABŞ arasında müvəqqəti atəşkəsin davamlılığı ilə bağlı şübhələrin artdığı bir vaxtda, yüksək səviyyəli iranlı rəsmi nüvə proqramı ilə bağlı ixtilafların hələ də qalmaqda davam etdiyini və tərəflər arasında məsafənin azalmadığını deyib.

O vurğulayıb ki, “İranın müdafiə qabiliyyətləri, o cümlədən raket proqramı danışıqların mövzusu deyil” və əlavə edib ki, ABŞ-ın Hörmüz boğazında tətbiq etdiyi dəniz blokadasının davam etməsi gözlənilən danışıqlar prosesini zəiflədib.

Bu hadisələr, İslamabadda keçirilə biləcək ikinci raund danışıqların taleyinin hələ də qeyri-müəyyən qaldığı və atəşkəs müddətinin sona yaxınlaşdığı bir dövrdə baş verir.

Eyni zamanda, Associated Press xəbər verib ki, Pakistan diplomatik səylərini artıraraq, çərşənbə axşamına qədər danışıqların yenidən başlanması üçün Tehran və Vaşinqtonla təmaslara başlayıb