Ali Təhlükəsizlik Şurasının katibliyi ABŞ tərəfindən Pakistan vasitəçiliyi ilə İrana yeni təkliflərin çatdırıldığını və hələlik onlara cavab verilmədiyini açıqlayıb.

ArazNews-un hökumət mediasına istinadən verdiyi məlumata görə, katiblik bəyanatında bu təkliflərin İslamabadda keçirilən əvvəlki danışıqlardan sonra irəli sürüldüyünü bildirib; həmin danışıqlar konkret nəticə olmadan başa çatmış və davamı daha sonraya saxlanmışdı.

Bəyanatda həmçinin əvvəlki danışıqlarda tərəflər arasında mövcud olan fikir ayrılıqlarına toxunulub və qeyd edilib ki, yeni təkliflərin araşdırılması Tehranın gündəmində qalır.