آراز نیوزون رویترزدن نقل ائتدیگینه گؤره، دبی و قطر بورس اندکسلری هر بیری ۰.۶ فاییز، ابوظبی اندکسی ایسه ۰.۴ فاییز آزالیب. سعودی عربیستان بورسو ایسه تقریباً دَییشمهدن قالیب.
بازارلارداکی دوشوش، آمریکانین لارک آداسیندا ایران جمهوریتینه عائید ایکی لانچره سالدیریسی و تهرانین قارشیلیقلی حملهلریندن سونرا باش وئریب. امارات دا اؤلکه هووا گوجلرینین ایراندان قالخان بیر ایهانی (پهبادی) اؤز قاراسولاری اوزرینده ایزلهییب قارشیسینی آلدیغینی آچیقلاییب.
بؤلگه بورسلارینین تپکیسیندن گؤرونور هرمز بوغازیندا گرگینلیگین یئنی دؤنمی، عسکری و نفت سونوجلاریلا یاناشی، ایران جمهوریتینین سیاسی ریسکینی ده بیرباشا قونشو اؤلکهلرین مالی بازارلارینا داشیییب.
