گۆنئی کوره و آمریکا، هر ایل گئچیردیکلری «اولچی فریدوم شیلد» عسکری مانورونا بوگون باشلادی؛ بو، دونالد ترامپین آمریکانین مانورداکی قاتقیسینین اؤنملی اؤلچوده آزالدیلماسی اوچون امیر وئرمسیندن یالنیز بیر نئچه ساعت سونرا باش وئردی.
آراز نیوزون رویترزدن نقل ائتدیگینه گؤره، ترامپ قوزئی کوره لیدری کیم جونگ اونلا «چوخ یاخشی علاقهسی» اولدوغونو دئیهرک، بو مانورلاری هم باهالی، هم ده پیونگیانقا «دوشمنجه» مساج وئرن اقدام اولاراق دَیَرلندیریب. او همچنین سئولون ایرانین نووه پروقرامی مسئلهسینده واشینگتونلا بیرلیکده حرکت ائتمهمَسینی ده تنقید ائدیب.
بونا رغمَن، گۆنئی کوره مانورون پلان اوزره گئچیریلهجگینی آچیقلاییب. ۱۱ گون سورَجک «اولچی فریدوم شیلد» مانورونا تقریباً ۱۸ مین گونئی کوره عسکری قاتیلیر و مانور، قوزئی کورهدن گله بیلهجک احتیمالی تهدیدلره قارشی حاضیرلیق آماجی داشیییر.
