آزربایجانین تانینمیش میلّی فعاللاریندان و اسکی سیاسی محبوس صالح بیگ موللا عباسینین وفات خبری، میلّی حرکت فعاللاری آراسیندا درین کدر و تأسفله قارشیلانیب.
بو حزین حادیثه ایله باغلی، آزربایجان میلّی دیرنیش تشکیلاتینین سؤزچوسو مجید جوادی، «ایکس» سوسیال شبکه حسابیندا بیر مئساژ یایینلایاراق، بو ایتکینی مرحومون عایلهسینه، میلی حرکت جامیعهسینه و آزربایجان خالقینا باش ساغلیغی وئریب.
جوادی مئساژیندا صالح بگ موللا عباسینین میلّی حرکتدهکی رولونا و فعالیتلرینه توخوناراق، اونو اؤزللیکله قاراداغ بؤلگهسینده حرکتین اؤنده گلن و تأثیرلی شخصیتلریندن بیری کیمی تقدیم ائدیب و وورغولاییب، او، عؤمرو بویونجا میلّی موجادیله یولوندا تعهّد و چالیشقانلیقلا فعالیت گؤستریب.
مجید جوادی مئساژینین سون بؤلومونده، درین کدرینی بیلدیرهرک، مرحوما تانریدان رحمت، عایلهسینه ایسه صبر، میلی حرکتیمیزه و میلتیمیزه باش ساغلیغی دیلهییر دیلهییب.
