آزربایجان میللی حرکتینین تانینمیش شخصیتلریندن، اوزون ایللر بویو میللی حاقلاریمیز اوغروندا یورولمادان چالیشان و بو یولدا سیاسی محبوسلوق آجیسینی دا یاشایان صالح بگ موللا عباسی حاققا قوووشوب.
صالح بگ موللا عباسی، عؤمرونون هر دؤنمینده آزربایجان تورکلرینین میللی وارلیغینین قورونماسی و حقوقلارینین الده ائدیلمهسی اوغروندا بؤیوک فداکارلیقلار گؤسترمیش بیر شخصیت ایدی. اؤزللیکه قاراداغ بؤلگهسینده میللی حرکتین تشکیلاتلانماسیندا و اویانیشیندا اونون بؤیوک امگی اولموشدور. او، یالنیز بیر فعال دئییل، عئینی زاماندا میللی موباریزهنین سیمگهلریندن و اخلاق آبیدهلریندن بیری کیمی تانینیردی.
سیاسی محبوسلوق دؤنمینده ده ایستقامتی و ایرادهسینی قورویاراق، میللی حرکته اولان باغلیلیغینی هر شئیین اؤنونده توتموشدور.
