«ایران آچیق وئری مرکزی»نین یئنی آراشدیرماسینا گؤره، ۲۰۱۲-جی ایلده ایرانا یؤنهلیک نفت تحریملرینین باشلاماسیندان بۇ ایلین اردیبهشت آیینا قدر گئچن مودتده اؤلکه، پوتانسیئل اوْلاراق صادر ائدهبیلهجگی توپلام ۶ میلیارد ۵۸۰ میلیون بوشقا نفتدن محروم قالدی.
بۇ میقدارین ایللره گؤره نفت قیمتلری اۆزریندن حسابلانان دگری تخمینن ۵۴۰ میلیارد دولار اوْلاراق بلیرلندی.
سؤزقوْنۇسۇ ایتکی آدامباشینا تخمینن ۶ مین دولارا قارشیلیق گلیر.
ایتیریلن پوتانسیئل نفت گلیرلرینین بؤیوک بؤلۆمۆ صادرات حجمیندهکی دۆشۆشدن قایناقلانارکن، قالان حیصّهسی ایسه تحریملری آشماق اۆچۆن یۆرۆدۆلن پروسهلرده یاشانان گلیر ایتکیلریندن اوْلوشۇر.
ایران، نفت تحریملریندن اؤنجه گۆنلۆک ۲٫۵ میلیون جیواریندا بوشقا نفت صادر ائدیردی. آنجاق ۲۰۱۲-جی ایلدن گئچن آیین سوْنونا قدر اولان دؤنمده اؤلکهنین گۆنلۆک اوْرتالاما نفت صادراتی بۇنون یاریسیندان دا آشاغی سویهده قالدی.
