Fransada yüzlərlə mağaza soyuducusunun soyutma sistemlərinə edilən kiberhücum Avropa İttifaqını hərəkətə gətirib. Paris İslam Respublikasını bu hücumlarda əli olmaqda ittiham edib. Aİ-nin sözçüsü Ənvər əl-Ənuni çərşənbə axşamı Brüsseldə bildirib ki, İttifaq «sürətli və vahid» reaksiya verməyə hazırdır.
Əl-Ənuninin sözlərinə görə, Brüssel Fransanın bu hücumları İrana aid etməsindən xəbərdardır və reaksiya ilə bağlı qərarı üzv ölkələrlə əlaqələndirir. Avropa Komissiyası da Fransa ilə tam həmrəylik nümayiş etdirdiyini bildirib. Komissiya mümkün əlavə addımları müzakirə etmək üçün üzv ölkələrlə məsləhətləşmələr apardığını açıqlayıb.
Fransa prokurorluğu açıqlayıb ki, hakerlər oktyabrın 12-si gecəsi pərakəndə mağaza şəbəkələrinin internet vasitəsilə idarə olunan soyutma sistemlərinə nəzarəti ələ keçiriblər. Onlar bu avadanlıqların temperaturunu çox yüksək dəyərlərə təyin ediblər.
